فــنــجــال

حازم النجم كتب:

فنجال

يا مَــن على جمري ركـيت دْلالك ... واغـليت نـَيّ وْعـودك المنطورة

ارعَ العَشـَـم لــين ايــتــفاوَر بــالك ... يطفي الجـمـر واليا تــزايد فوره

خذ من خـَضَر قلبي عذايف هالـَك ... واضفي على شـبّاتـك المغرورة

صُــب وتِمـَطــّق والهـــلا مـوّالك ... لي رشــفةٍ عندك , تقل مسحورة

واليـــا عـطـيــت الثالــث بفنجالك ... وارويت نفـس ٍ للعشـــق منذورة

لا ترعــوي فـــال الله وْ لا فــالك ... ريّض ترى قلبي الوحـيد بــدوره

لكْ صورةٍ بَسْـــط القلب وِلـْحالك ... يروح عمري وْ لاتروح الصورة

مـا غير عـندي حـطـّك وترحالك ... لويـــن تـنوي ؟ نـيّـتك محصورة

أعشــق معـابس نظرتـك وِجْدالك ... وِشْـــفاهــك الغويــانـة المقهورة

أعشــق بْحـورك والسهل وتلالك ... واعشـــق خفايــا ليــلك المنثورة

يــا كـنـّك الحَــورة أحـبّ ظـْلالك ... واهـيـــم مـــا هام الهوا بالحَورة

حازم النجم