محمد السديري / قالوا تتوب
صفحة 1 من اصل 1
محمد السديري / قالوا تتوب
من غزليات الأمير محمد الأحمد السديري رحمه الله :
قــالوا تـتـوب وقلت بالطـرف مصيـوب ...... والله ماتــوب وصافـيَ الخــد مـاتــاب
قـــالـوا تــحــمّـلـت الـمــواثـيـم وذنــوب ...... قـلت الذنـوب الهـا موازيـن وحســاب
قـالـوا تـرى مــايـفعــل الـعـبـد مـكـتـوب ...... قلت افهم الـلي تـذكرونـه يالاصحـاب
قـالـوا جَهَلـت وعـقــلـك الـيـوم مـنهـوب ...... وكشـفت سـرّك بين ربعـك والاجنـاب
قــلت الهـوى لقـلوب الاحبـاب مرغـوب ...... آيات حـبٍ صُـوّرت وَسْــــط الالبـاب
قـالـوا بعــقـلـك ضايـع الفــكـر مــنكـوب ...... قلـت المـوده مـاتــداويــهـا الاطـبـاب
عقلي معي مــاني مـن العقـل مســـلـوب ...... انــا الغـريـق وكـل شـي ٍ لــَه اسبـاب
كان انــّكم تـــدرون بالـلي شــفـى ايـوب ...... وجدٍ ســطـى بالقلـب والحـب غــلاب
انا غـريق ٍ مـع هــَـلَ الحـب منســـــوب ...... في زمـرة العشـــّاق بالحـب منصـاب
مــاطـاب لـي زادٍ ولا ريـــد مشــــروب ...... الى صفــا لي صاحبي عَسْـلَ الانيـاب
يغـضــي بعينـه وافــهـم العــِلـم مقــلـوب ...... واســري عليـه بـليلـةٍ نــورهـا غــاب
ويـرخص ليَ الغالي الــى حـل ماجــوب ...... وعن القرايب حط لـي ستـر وحجـاب
وابعـِـد عـن الشـكـّه وَلا نـوش لـَه ثــوب ...... إلا الحـديـث وقـَرعـة النــاب بالـنـاب
أخــافْ يصبح زين الاوصــاف معيـوب ...... وهوّ عليـه مـن الشــرف كـل جـلبـاب
وعرضه نضيف ابيض ولا فيه عذروب ...... لـوهم حـكـوا فيـه البعـيديـن واقــراب
عـــليـه وجـدي فــايـق ٍ وجــْـد يعــقـوب ...... وقلبي من اسـبابـه بْوسـط الحشـا ذاب
يـلـومــنـي مــن لاشــكـى حـب نـبـنـوب ...... طفـل ٍ قـرونـه ماتـغـطــّيـه الاســلاب
طفل ٍ نهب عقـلي بضحكـات وعـجـوب ...... فــتــّان لـقــلـوب الـعشــاشـيـق نـهـّاب
اصـبح هو الغالـب وانـا مـِنـْـه مغـلـوب ...... غــدا بـْعقـلـي بيـن شـــاري وجـــلاب
ان كان شــفته صفـّـق القـلـب مرعـوب ...... بالـــصـدر كــنـّـه بيـن لاوي وجــذاب
والدمع من مـوق النـظـيريـن مسـكـوب ...... يخضـِر ديارٍ ممحلـه عـقـب الاجـداب
قــالوا تـتـوب وقلت بالطـرف مصيـوب ...... والله ماتــوب وصافـيَ الخــد مـاتــاب
قـــالـوا تــحــمّـلـت الـمــواثـيـم وذنــوب ...... قـلت الذنـوب الهـا موازيـن وحســاب
قـالـوا تـرى مــايـفعــل الـعـبـد مـكـتـوب ...... قلت افهم الـلي تـذكرونـه يالاصحـاب
قـالـوا جَهَلـت وعـقــلـك الـيـوم مـنهـوب ...... وكشـفت سـرّك بين ربعـك والاجنـاب
قــلت الهـوى لقـلوب الاحبـاب مرغـوب ...... آيات حـبٍ صُـوّرت وَسْــــط الالبـاب
قـالـوا بعــقـلـك ضايـع الفــكـر مــنكـوب ...... قلـت المـوده مـاتــداويــهـا الاطـبـاب
عقلي معي مــاني مـن العقـل مســـلـوب ...... انــا الغـريـق وكـل شـي ٍ لــَه اسبـاب
كان انــّكم تـــدرون بالـلي شــفـى ايـوب ...... وجدٍ ســطـى بالقلـب والحـب غــلاب
انا غـريق ٍ مـع هــَـلَ الحـب منســـــوب ...... في زمـرة العشـــّاق بالحـب منصـاب
مــاطـاب لـي زادٍ ولا ريـــد مشــــروب ...... الى صفــا لي صاحبي عَسْـلَ الانيـاب
يغـضــي بعينـه وافــهـم العــِلـم مقــلـوب ...... واســري عليـه بـليلـةٍ نــورهـا غــاب
ويـرخص ليَ الغالي الــى حـل ماجــوب ...... وعن القرايب حط لـي ستـر وحجـاب
وابعـِـد عـن الشـكـّه وَلا نـوش لـَه ثــوب ...... إلا الحـديـث وقـَرعـة النــاب بالـنـاب
أخــافْ يصبح زين الاوصــاف معيـوب ...... وهوّ عليـه مـن الشــرف كـل جـلبـاب
وعرضه نضيف ابيض ولا فيه عذروب ...... لـوهم حـكـوا فيـه البعـيديـن واقــراب
عـــليـه وجـدي فــايـق ٍ وجــْـد يعــقـوب ...... وقلبي من اسـبابـه بْوسـط الحشـا ذاب
يـلـومــنـي مــن لاشــكـى حـب نـبـنـوب ...... طفـل ٍ قـرونـه ماتـغـطــّيـه الاســلاب
طفل ٍ نهب عقـلي بضحكـات وعـجـوب ...... فــتــّان لـقــلـوب الـعشــاشـيـق نـهـّاب
اصـبح هو الغالـب وانـا مـِنـْـه مغـلـوب ...... غــدا بـْعقـلـي بيـن شـــاري وجـــلاب
ان كان شــفته صفـّـق القـلـب مرعـوب ...... بالـــصـدر كــنـّـه بيـن لاوي وجــذاب
والدمع من مـوق النـظـيريـن مسـكـوب ...... يخضـِر ديارٍ ممحلـه عـقـب الاجـداب
صفحة 1 من اصل 1
صلاحيات هذا المنتدى:
لاتستطيع الرد على المواضيع في هذا المنتدى