دله الشعر للشاعر:ماجد المري

تحيه عطرة،،،
اعجبتي هالقصيده بصورها ومعانيها وبمفرداتها وقلت تشاركونني الاعجاب بها.
وهي للشاعر ماجد المري وهو من الجيل الجديد واداء اروع بالشيله.
https://www.youtube.com/watch?v=nnn_-HvMAN8&feature=player_embedded
حضّــرت لي من دلّة الشعر فنجـال ..


.. .. .. .. .. وأرجي من الله والنشامى قبولـه ..!!


يبري خـوى من شاقته زين الأمثال ..


.. .. .. .. .. ونفسه من دقاق القصايد ملولـــه ..!!


قد لي ثلاث سنين وأنا أستر الحال ..


.. .. .. .. .. والحال بيّـــن فالجسم مـن نحولـه ..!!


فاقد عزيز(ن)غرّته بعــــض الأزوال ..


.. .. .. .. .. يا قرب داره غير مانـي بحولــــــه ..!!


بيني وبينه حالت أبواب وأقفــــــال ..


.. .. .. .. .. في دولة تسكن لها وسـط دولــه ..!!


أصارع الدمعه على شان الأنـــذال ..


.. .. .. .. .. وأدري نزول الدمع مابه رجولــــه ..!!


ماأشين من الدمعه على خد رجّال ..


.. .. .. .. .. إلا إبتســــامه عقبها مـن عذولـــه ..!!


ذل العزيز أقسى محطّـات الإذلال ..


.. .. .. .. .. ما يشبه إلا الموت لحظة وصوله ..!!


نحزن وتنعش حالنا بعــض الآمــال ..


.. .. .. .. .. لولا الأمل كان الجنايـز عجولـــــه ..!!


عرفت من حر الزمن وأشهب اللال ..


.. .. .. .. .. ما يجهله من لا يشيـل الحمولـــه ..!!


الهم بين الناس رجلـــي وخيّــــــال ..


.. .. .. .. .. خذ له مع الغفلات صوله وجولـــه ..!!


والعز كثر المال مع كبــر الأفعــــال ..


.. .. .. .. .. والرجل ما يكفيه عرضه وطولـــه ..!!


ودّك برجّال ليـا قـال مـا مـــــــــال ..


.. .. .. .. .. لو كان راس المال عنـده ذلولـــه ..!!


دروس .. لكن نزّلت دمــع رجّـــــال ..


.. .. .. .. .. والدمع للرجّـال مابـه رجولــــــه ..!!

::
وسلامتكــــــــــــــم

انتظر ردودكم يالغالين وارجوا بدون مجامله.
لننتقي لكم في المرات القادمه ماهو اوع وبما تجول به خواطركم.

الأخ الغالي عبيد حياك الله ...

عشت و سلمت على هذا النقل الموضوعي و لكن أريد أن أستفسر عن الشطرين التاليين :

أصارع الدمعه على شان الأنـــذال .. .. .. .. .. وأدري نزول الدمع مابه رجولــــه ..!!
و البيت

دروس .. لكن نزّلت دمــع رجّـــــال. .. .. .. .. والدمع للرجّـال مابـه رجولــــــه ..!!

وردت كلمة رجولة في القافية مرتين .... هل هي أصل أم خطأ نقل ؟؟؟!!

و في الحقيقة قصيدة جزلة و ما عليك و على الشاعر زود ...

حياك الله ...

مرحبا يابو خالد
ماعليك زود يالغانم وكلامك في محله. وانت استاذنا ومنك نتعلم.
تشرفت على مرورك وتعليقكـ

ارحب يابو دانا
عزيزي لا هي أصل.ولكن ماذا أكتشفت؟
مانقدر نقولك لا يامديرنا هههههههههه
تشرفت بمرورك وتعليقكـ
تحيتي لكـ