حازم النجم / نسمة جنوب

نسمة جنوب

لو نثــّرت عَنـْــك الجَعد نســــمة جْنوب ... و تـِماوجت مثل السَـــبَل كـــلْ خصله

جيتك صويب القلب وانحى على صوب ... وارخص لك اللي للبشر ما رخص له

لو نثــّرت عنـْــك الجعد نســــمة جْنوب ... قــلبي من الصندوق فـــزّ و رقص له

عنـّى لك الغـنوة و صفـّـــى لك الكـُـوب ... وْ كمّـــش لها جمــرٍ بَه الروح تصْلى

هـــدّت عـــليه الـــذاكــرة بــأوّل ذنوب ... يــوم اقـبَل الطــالب على بــاب فصله

شـــافك مـــــع المنهاج يا صاح مكتوب ... لــَيْن اســــتوى يقراك مع كـل وصله

لو نثــّرت عنـْـك الجعد نســــمة جْنوب ... حطـّيت بــِـجْــنوب السراجـيف نصله

تــدمي لمَا جــرح الهــوى يلبس الثوب ... اللـــي مع القـلـبـين ســـهمك نغص له

يا صورة ايّـــامي عــلى كـل محسوب ... يوم ٍ بــــلا مـــلــقاك عـمري نقص له

جمّع تـنـاثير الجعــد يــا اْعذب جْنوب ... و اللهْ غـــدت روحي على كـل خصله


15/8/2008 م ************* حازم النجم