قصيده الملك فهد وهو برحله علاجيه بلندن!!!!

من طرف **عبيد العبدالله** 1/10/2011, 16:59

تحيه عطرة للجميع،،،
طلب مني الاستاذ :ابو خالد هذه القصيده وحنا مانقدر نرفض له طلب.

هذا قصيده قالها الملك فهد رحمه الله يوم كان مريض في لندن

عام 1385للهجرى عام 1975م

وبعثها للأمير الر احل فهد بن سعد رحمه الله يشتكي من قسوة المرض

[center][center]يابو سعد صارت على أخوك غارات
شهرين اقاسي من شديد الغرابيل

سو المرض يحمل على أخوك حملات
مافي يدي حيله ولا في يدي حيل

والله فزع من فوق سبع السماوات
وانا الحمد لله يوم صارت تساهيل

ماينفع الخايف والايام عجلات
الخوف ماينفع ولا القول والقيل

حنا هل العوجا ولابه مروات
شرب المصايب مثل شرب الفناجيل

لاشك انا مشغول في كل الاوقات
على الذي حنا بظله رياجيل

ماني على نفسي كثير الحسافات
لاسلم راسه روسنا رفاع بالحيل

حامي حمانا بالليالي المخيفات
لو صار بالعالم كثير الزلازيل

فخر العروبه بالعدل والمساواه
هذاك هو فيصل ولافيه تشكيل

يشهد له اللي شاهدوا منه ليات
ويشهد له التاريخ جيل بعد جيل

وسلامتكم

من طرف **أسامة أبو لطيف** 1/10/2011, 17:24

سلمت يا بو عبدالله ورحمة الله عليه

من طرف **وليد الحسنية** 2/10/2011, 02:54

والله فزع من فوق سبع السماوات
وانا الحمد لله يوم صارت تساهيل

ماينفع الخايف والايام عجلات
الخوف ماينفع ولا القول والقيل

حنا هل العوجا ولابه مروات
شرب المصايب مثل شرب الفناجيل

رحمك الله يا ابافيصل ملك الحكمة والمواقف المشرفة

الفارس الشجاع والسياسي البارع والشاعر الفذ

اخو نورة...مشعل من مشاعل العرب الكبار

تسلم اخي ابو عبدالله.وقد اقتبست منها 3 ابيات هنا والمفروض

اقتبسها كلها لجمالها وروعتها ووفاء لقائلها

اكرر شكري لك اخي ابو عبد الله ويسلم راسك

من طرف **عبيد العبدالله** 2/10/2011, 16:58

اشكركم عالمرور
ولاشكر على واجب يالغالي.حنا تحت امر الغالين ألي مثلكم وشرواكم

قصيده الملك فهد وهو برحله علاجيه بلندن!!!!

قصيده الملك فهد وهو برحله علاجيه بلندن!!!!

رد: قصيده الملك فهد وهو برحله علاجيه بلندن!!!!

رد: قصيده الملك فهد وهو برحله علاجيه بلندن!!!!

رد: قصيده الملك فهد وهو برحله علاجيه بلندن!!!!