قصيده غزليه للمرحوم العم نايف العبدالله

غزل للعم المرحوم نايف العبدالله
ما أروعك يا فاتنه ما أروعك .............ربّي تعب سنتين حتّى يصنعك
يوم" بزغ بدرك وربّك صوّرك ............... فتني وملك هيك هوّي أبدعك
لمّا انزلتي عالأرض زعل الاله ............... وعمل الك تمثال ابقى اقشعك
وسهيل أسرع يوم عرف بسفرتك ...............خربط نظام الكون حتّى ودّعك
كانت ملائكة السما تخضع الك ...............حطّت اله الحب يحرس مخدعك
حتّى الفراشه بس ذاقت شفتك ...............زهقت زهور الارض وراحت ترضعك
هرجك نغم اوتار فتنه للبشر ............... حام النحل والطير حتى يسمعك
والراهب اللي طول عمرو ما انحنى............... عاف الديور وراح يعبد مركعك
مجنون ليلى وصّفولوا صورتك ...............عــــــــاف الليالي كلّها لا يتبعك
يا جنة الفردوس لا تطّــــــــمعي ............... كل الجمال أصبح الك ما أطمعك
يا مــــــــــا قلوب تولعت عامحبتك ............... زار النعيم اللي ورد من منبعك
وســهام لحظك تقتل سباع الفلا ...............وتهفي جيوش الارض ومية اصبعك
ريح الصبا وقطر الندى يتداوروا ............... تا وصّلوا عطر العمر لا مضجعك
ربي خلقنا اثنين تا نبقى سوى ............... عرش الجمال بدوننا شو بينفعك ؟
تبقى حياتك كلها مثل الهوى ............... وين السعاده ان ما كنت انا معك ؟
لا تكبري نحنا بشر مثلك كمان ............... مهما ارتفعتي غير النا مرجعك
خلي التواضع والطهاره ملك الك ............... لا تتبعي درب الغرور بيخدعك
لا تفكّري عمر الصبا كلو مرح ...............بعد الهــــوى يا غافله ما الوعك
غنّي معي لحن السعاده و الهنى ...............بكره الورد يذبل ودهرك يلذعك
ما اروعك يا فاتنه ما اروعك ............... كل الرسل والانبيا والله معك
نايف العبدالله
قرية حوط

ما اروعك ..على نقل هذه القصيده
نتمنى المزيد للمرحوم ابا عصام
لك تحياتي..........
,,,,,,,,,,,

يا حيالله عمي بوسام
والله ما عندي الا القليل للعم ابو عصام بس عبحاول احصل عليهن
مشكور عالمرور